پاکستان اسٹریٹ چائلڈ فٹبال ٹیم نے کوارٹر فائنل میں جگہ بنا لی

پاکستان اسٹریٹ چائلڈ فٹبال ٹیم نے اوسلو میں جاری ناروے کپ میں ایک دن میں 2 میچز جیت کر کوارٹر فائنل کیلئے کوالیفائی کر لیا ہے۔

اے آر وائی نیوز کے مطابق اوسلو میں کھیلے جا رہے ناروے کپ فٹبال میں پاکستان اسٹریٹ چائلڈ فٹبال ٹیم انڈر 17 کیٹیگری کے ناک آؤٹ راؤنڈ میں دو میچز کھیل کر فتح حاصل کی اور کوارٹر فائنل میں جگہ بنائی۔

پہلے راؤنڈ آف 32 میں پاکستان کا مقابلہ مولڈے فٹبال کلب سے تھا جس میں پاکستان ٹیم 0-4 سے کامیاب ہوئی۔ اس میچ میں طفیل شنواری نے دو گول کیے، فیصل اور وہاب نے ایک ایک گول کیا۔

اس کے بعد پری کوارٹر فائنل میں پاکستان کا مقابلہ ٹرائسل کلب سے تھا اس میچ میں بھی پاکستان کی کامیابی کا اسکور 0-4 رہا۔ جس میں پاکستان کے عبداللّٰہ نے 2 جبکہ شاہ میر اور عبدالوہاب نے ایک ایک گول کیا۔

قومی اسٹریٹ چائلڈ فٹبال ٹیم آج کوارٹر فائنل کے لیے میدان میں اترے گی۔