گھریلو ملازمہ رضوانہ تشدد کیس میں اسلام آباد پولیس نے جےآئی ٹی تشکیل دیدی۔
پولیس کی جانب سے تشکیل دی جانے والی جانے والی 5 رکنی جےآئی ٹی کی سربراہی ڈی آئی جی آپریشنز شہزاد احمد بخاری کریں گے۔
جے آئی ٹی میں آئی بی ، آئی ایس آئی کے نمائندے، ایس ایس پی سی ٹی ڈی، ایس ایس پی انویسٹی گیشن بھی شامل ہیں۔
رضوانہ تشدد کیس کی تحقیقات کے لیے قائم جوائنٹ انویسٹی گیشن ٹیم کا نوٹیفکیشن بھی جاری کر دیا گیا ہے۔
https://urdu.arynews.tv/rizwana-talks-with-maryam-nawaz/
دو روز قبل وزیر اعظم شہباز شریف نے گھریلو ملازمہ رضوانہ پر تشدد کا نوٹس لیتے ہوئے نگراں وزیر اعلیٰ پنجاب محسن نقوی سے رپورٹ طلب کی اور بچی کے علاج کی بہترین سہولیات فراہم کرنے کی ہدایت کی تھی۔
وزیر اعظم کا کہنا تھا کہ متاثرہ بچی کی زندگی بچانے اور صحتیابی کیلیے پوری کوشش کی جائے، مظلوم بچی کو انصاف کی فراہمی یقینی بنائی جائے۔
انہوں نے کہا تھا کہ ملزم کون ہے اسے خاطر میں نہ لایا جائے بلکہ انصاف کی فراہمی یقینی بنائی جائے، قانون پر عمل درآمد یقینی بنایا جائے ظالم اور قانون شکن رعایت کے مستحق نہیں۔
ان کا کہنا تھا کہ پولیس کسی دباؤ کو خاطر میں لائے بغیر قانون پر سختی سے عمل کرے، معاشرہ ایسی اندھیرنگری اور ظلم و جبر کا متحمل نہیں ہو سکتا۔ وزیر اعظم نے متاثرہ بچی کے والدین کو انصاف کی فراہمی کی یقین دہانی کروائی تھی۔