لاہور : انسداد دہشت گردی کی عدالت نے جناح ہاؤس حملہ کیس میں ملوث 268 روپوش کارکنوں کے وارنٹ جاری کردیئے۔
تفصیلات کے مطابق انسداد دہشت گردی کی عدالت میں جناح ہاؤس حملہ کیس کی سماعت ہوئی ، انسداد دہشت گردی کے جج اعجاز احمد بٹر نے سماعت کی۔
تفتیشی افسر نے کہا تفتیشی افسر جناح ہاؤس حملےمیں ملوث 268 پی ٹی آئی کارکنان روپوش ہیں، ملزمان گرفتاری بچانے کی کوشش کر رہے ہیں۔
تفتیشی افسر نے استدعا کی کہ ملزمان کے وارنٹ گرفتاری جاری کیئے جائیں، انسداد دہشت گردی عدالت نے تفتیشی افسر کی درخواست منظور کر لی۔
عدالت نے جناح ہاؤس حملہ کیس میں ملوث 268 روپوش کارکنوں کے وارنٹ جاری کردیئے۔