بلوچستان کی عوام کے لیے پاک فوج کی خدمات کا سلسلہ جاری

کوئٹہ : بلوچستان میں پاک فوج کی جانب سے مفت میڈیکل کیمپ کا انعقاد کیا گیا، جس میں مریضوں کوعلاج کےساتھ ساتھ مفت ادویات اورراشن بھی فراہم کیا۔

تفصیلات کے مطابق بلوچستان کی عوام کے لیے پاک فوج کی خدمات کا سلسلہ جاری ہے ، بلوچستان میں پاک فوج کی جانب سے مفت میڈیکل کیمپ کا انعقاد کیا گیا۔

میڈیکل ٹیم میں جنرل فزیشن،میڈیکل آفیسر،ڈینٹسٹ اورپیڈیاٹریشن شامل تھے، کیمپ میں مریضوں کوعلاج کےساتھ ساتھ مفت ادویات اورراشن بھی فراہم کیا گیا۔

پاک فوج کے ڈاکٹرز نے ایک ہزار سے زائد مریضوں کا مفت علاج کیا اور ساتھ ساتھ صحت اور غذائیت سے متعلق آگاہی فراہم کی گئی ، میڈیکل کیمپ میں مریضوں کے لئے ای سی جی اور الٹراساؤنڈ کی سہولیات بھی موجود تھیں، عوام نے پاک فوج کےاس اقدام کوخوب سراہا۔

دوسری جانب پاک فوج کی جانب سےایس اوایس اسکول قائم کیا گیا، ایس او ایس چلڈرن ویلیج یتیموں اور بےسہارا بچوں کا ایک فلاحی ادارہ ہے، جو 2005 میں قائم ہوا، اس میں 146 یتیم بچے بشمول 16مائیں مقیم ہیں جوکہ ان بچوں کی دیکھ بھال کرتی ہیں۔

چیئرپرسن ایس او ایس چلڈرن ویلیج کوئٹہ نے کہا کہ ادارے میں بے سہارا بچوں کی پرورش ، تعلیم اور انہیں ایک ماں کا پیار دیا جاتا ہے، چیئرپرسن ایس او ایس چلڈرن ویلیج کوئٹہ ایف سی بلوچستان ہمیں راشن، تزئین وآرائش اور دیگرفلاحی کاموں میں مدد فراہم کررہی ہے۔

ان کا کہنا تھا کہ اس بلاک کی تمام سہولیات اورتزئین وآرائش ایف سی کی جانب سے کی جاتی ہے، چیئرپرسن چلڈرن ویلیج کوئٹہ پاکستان آرمی اور ایف سی نے ہمیشہ ہمیں میڈیکل، تعلیم اوردیگر شعبوں میں معاونت فراہم کی۔

پرنسپل ایس او ایس چلڈرن ویلیج نے بتایا کہ کوئٹہ ایف سی اسپتال کوئٹہ میں ایس او ایس کےیتیم بچوں کافری علاج و معالجہ کیاجاتاہے، ہم پاکستان آرمی اورایف سی بلوچستان کےچلڈرن ویلیج سےتعاون پر مشکورہیں۔

عوام نے پاک فوج کی بےلوث خدمات کا خیرمقدم کرتے ہوئے احسان مندی کا اظہار کیا۔