روسی حملے کے بعد یوکرین میں کتنی ہلاکتیں ہوئیں؟

اقوام متحدہ کا کہنا ہے کہ روس کے حملے کے بعد سے یوکرین میں 9,511 شہری مارے گئے ہیں۔

اقوام متحدہ کے ہائی کمشنر برائے انسانی حقوق (او ایچ سی ایچ آر) نے کہا ہے کہ گزشتہ سال روس کے یوکرین پر حملے کے بعد سے اب تک 9,511 شہری ہلاک اور 17,206 افراد زخمی ہو چکے ہیں۔

مزید برآں نے کہا کہ روسی افواج کے زیر قبضہ یوکرین کے کچھ حصوں میں 2,115 شہری مارے گئے جب کہ اصل اعداد و شمار کافی زیادہ ہیں کیونکہ بعض مقامات پر جہاں شدید لڑائی چل رہی ہے وہاں سے معلومات تک رسائی میں تاخیر ہوئی ہے۔

دوسری جانب تازہ واقعے سے متعلق یوکرین کا کہنا ہے کہ روسی گولہ باری کے باعث کوپیانسک میں ایک شخص ہلاک ہو گیا۔

یوکرین کے خارکیو اوبلاست کے گورنر اولیح سینیہوبوف کا کہنا ہے کہ کوپیانسک کے علاقے میں روسی گولہ باری سے ایک شخص ہلاک ہوا ہے۔ 45 سالہ شہری توپ خانے کی گولہ باری کے نتیجے میں ہلاک ہوا۔