قومی ٹیم کے اوپنر فخرزمان نے بھارت کے خلاف میچ میں سب کے دل جیت لیے۔
ایشیا کپ 2023 کے سُپر فور مرحلے کے تیسرے میچ میں بھارت کی پاکستان کے خلاف بیٹنگ جاری تھی کہ بادل برس پڑے جس کے باعث میچ روک دیا گیا۔
میدان کو گھیلا ہونے سے بچانے کے لیے گراؤنڈاسٹاف نے فوری طور پر رین کوررز بچھائے تو فخرزمان بھی ہاتھ بٹانے میدان میں آگئے۔
Nice gesture from Fakhar Zaman😎@FakharZamanLive @BCCI @TheRealPCB #FakharZaman #INDvsPAK #Rain #PakistanCricket #AsiaCup2023 #AsiaCupWithSportsTakpic.twitter.com/LJ8I2ntZdb
— Sports Tak (@sports_tak) September 10, 2023
فخر زمان کا گراؤنڈ اسٹاف کے ساتھ حسن سلوک واقعی قابل ستائش تھا جسے دیکھ کر شائقین نے پاکستانی کھلاڑی کے جذبے کو سراہا۔
قومی کرکٹر کے اس عمل پر انہیں سوشل میڈیا صارفین خوب داد دے رہے ہیں۔
پاک بھارت میچ بارش کے باعث نہ کھیلے جانے یا نا مکمل رہنے پر اے سی سی نے کل (پیر) ریزرو ڈے کے طور پر رکھا ہے میچ آج جہاں رکے گا کل وہیں سے اس کا آغاز ہوگا تاہم محکمہ موسمیات نے آئندہ ایک ہفتے تک بارشوں کی پیشگوئی کر رکھی ہے۔