ARYNews.tv | Urdu – Har Lamha Bakhabar

ایشیا کپ: سری لنکا نے بھارت کیخلاف منفرد ریکارڈ بنا دیا

Written by

ویب ڈیسک

in

,

ایشیا کپ سپر فور مرحلے میں سری لنکا نے بھارت کے خلاف منفرد ریکارڈ بنا دیا۔

کولمبو میں کھیلے جارہے میچ میں بھارت نے سری لنکا کے خلاف پہلے بیٹنگ کا فیصلہ کیا جو سری لنکن اسپنرز نے غلط ثابت کردیا اور بھارت کی پوری ٹیم 213 رنز بنا کر آؤٹ ہوگئی۔

سری لنکا کی جانب سے اسپنرز نے تمام دس وکٹیں حاصل کیں۔

سری لنکا نے نوجوان اسپنر دونتھ ولالاج نے پانچ کھلاڑیوں کو پویلین کی راہ دکھائی، اسپنر آسالنکا نے چار وکٹیں لیں اور مہیش ٹھکشنا ایک وکٹ حاصل کرسکے۔

ایشیا کپ کی تاریخ میں یہ پہلا موقع ہے کہ جب کسی ٹیم کے اسپنرز نے پوری ٹیم پویلین بھیجی ہو جبکہ بھارت کی ٹیم بھی پہلی مرتبہ ون ڈے میچ میں اسپنرز کے ہاتھوں آؤٹ ہوئی ہے۔

واضح رہے کہ ایشیا کپ کے فائنل میں پاکستان کی شرکت اگر مگر پر آگئی ہے اگر سری لنکا بھارت سے ہارتا ہے تو پاکستان سری لنکا کو ہرا کر فائنل کیلیے کوالیفائی کرسکتا ہے اگر سری لنکا نے بھارت کو شکست دی تو پھر رن ریٹ پر فائنل ٹیم کا فیصلہ ہوگا۔

More posts