سری لنکا کے لیجنڈ سابق فاسٹ بولر لیستھ مالنگا ایشیا کپ کے اہم میچ میں بھارتی ٹاپ آرڈر سمیت 5 بہترین بلے بازوں کو آؤٹ کرنے والے نوجوان اسپنر ڈنتھ ویلالج کا مستقبل روشن دیکھتے ہیں۔
ایشیا کپ کے سپر فور مرحلے کے منگل کو کھیلے گئے اہم میچ میں سری لنکا گوکہ میچ ہار گیا لیکن نوجوان اسپنر نے اپنی جادوئی بولنگ کے ذریعے روہت شرما، شبھمن گل، ویرات کوہلی جیسے ہیوی ویٹ ٹاپ آرڈر سمیت کے ایل راہول اور ہاردیک پانڈیا کی وکٹیں اڑائیں اور بھارت کو 213 رنز تک محدود کیا۔
ڈنتھ نے صرف بولنگ میں ہی کمال نہیں دکھایا بلکہ جب سری لنکا کی بیٹنگ مشکل میں تھی تو اس وقت بھی 42 رنز کی نا قابل شکست اننگ کھیل کر لنکا کی نیا پار لگانے کی کوشش کی مگر دیگر بیٹرز کی جانب سے مدد نہیں ملی۔ اس کمال کی آل راؤنڈ پرفارمنس پر سری لنکا کی ناکامی کے باوجود ڈنتھ پلیئر آف دی میچ قرار پائے۔ نوجوان اپنی اس لاجواب کارکردگی پر خود بھی مسرور ہیں۔
Though the result didn’t go our way, I’m proud of my performance on the field. Learning from the best, @babarazam258, whose journey and dedication continue to motivate me. We’ll keep pushing forward and striving for victory.#INDvsSL #INDvSL pic.twitter.com/w045sOXMtp
— Dunith Wellalage (@dunithwellalage) September 12, 2023
ڈنتھ ویلالج کی اس قابل قدر پرفارمنس سے منفرد اسٹائل کے حامل سابق لیجنڈری فاسٹ بولر لیستھ مالنگا بھی متاثر ہوئے بغیر نہ رہ سکے اور انہوں نے سماجی رابطوں کی ویب سائٹ ایکس (سابق ٹوئٹر) پر ڈنتھ کی بولنگ کی تعریف کرتے ہوئے اسے سری لنکن کرکٹ کی اگلی دہائی کا ہیرو قرار دے دیا اور کہا کہ نوجوان اگلی دہائی تک سری لنکا ون ڈے ٹیم کا اہم ترین کھلاڑی ہوگا۔
It’s fair to say that SL played with 12 players today. That’s how good Dunith was👏
He’s got a brilliant head on his young shoulders to go with his all-round skill set.
I believe he’s on his way to becoming the most important player for SL in ODIs for the next decade❤️#INDvSL— Lasith Malinga (@malinga_ninety9) September 12, 2023
مالنگا نے اپنی ٹویٹ میں لکھا کہ نوجوان ڈنتھ کا مستقبل انتہائی روشن ہے اور بھارت کے خلاف میچ میں اس کی کارکردگی دیکھ کر لگا کہ سری لنکا آج 12 کھلاڑیوں کے ساتھ کھیلا اور بیٹنگ کا بوجھ بھی اپنے نوجوان کاندھوں پر اٹھایا۔ گیند کے بعد بلے سے بھی اپنی کھیل کی مہارت دکھا کر آل راؤنڈر کی حیثیت سے خود کو متعارف کرایا۔
ویلالج نے بھارت کے خلاف 40 رنز دے کر 5 وکٹیں حاصل کیں جو ان کا اب تک کا بہترین بولنگ فیگر ہے۔ نوجوان اسپنر سری لنکا کی جانب سے 13 ون ڈے کھیل رکھے ہیں اور گزشتہ روز اپنی غیر معمولی پرفارمنس سے اگلے ماہ بھارت میں شروع ہونے والے ون ڈے ورلڈ کپ کے لیے اپنے خطرناک عزائم کا اظہار کر دیا ہے۔
ڈنتھ ویللاج نے اس سے قبل گزشتہ سال آئی سی سی انڈر 19 مینز کرکٹ ورلڈ کپ میں 13.58 کی اوسط سے 17 وکٹیں لے کر اپنی کلاس ظاہر کر چکے تھے۔
That ball from Wellalage to Gill is a dream ball for any spinner, but most importantly a big endorsement to the triple spin threat.#AsiaCup2023 #INDvsSL
— Ashwin 🇮🇳 (@ashwinravi99) September 12, 2023
واضح رہے کہ مالنگا واحد سابق کرکٹر نہیں جو ویلالج کی سپر ڈوپر کارکردگی سے متاثر ہوئے بلکہ نوجوان اسپنر نے سابق بھارتی کھلاڑیوں ایشون، عرفان پٹھان اور صحافی ہرشا بھوگلے کے دل بھی جیت لیے۔
Solid bowling from this youngster Wellalage. #INDvsSL
— Irfan Pathan (@IrfanPathan) September 12, 2023
Admittedly, the track is a good ally, but Wellalage has been excellent. The promise he showed as a standout U19 cricketer is bearing fruit
— Harsha Bhogle (@bhogleharsha) September 12, 2023