شوبز انڈسٹری کی معروف اداکارہ درفشاں سلیم نے ’جیسے آپ کی مرضی‘ میں نیٹیزن کے ریویو پر ردعمل دے دیا۔
ڈرامہ سیریل ’جیسے آپ کی مرضی‘ میں میکال ذوالفقار (شیری)، درفشاں سلیم (علیزے)، علی سفینا، کرن ملک، جاوید شیخ، علی طاہر ودیگر اداکاری کے جوہر دکھا رہے ہیں۔
جیسے آپ کی مرضی کی ہدایت کاری کے فرائض صبا حمید نے انجام دیے ہیں جبکہ اس کی کہانی نائلہ جعفری نے لکھی ہے۔
ڈرامے کی چھٹی قسط میں ناقدین کے تبصروں پر درفشاں سلیم نے بتایا کہ علیزے کے مختلف کردار انہوں نے ڈرامہ کرنے پر آمادگی ظاہر کی۔
گزشتہ قسط میں شادی کے بعد پہلی ہی صبح جب علیزے ہوتل میں اپنے شوہر شیری کے پیچھے بھاگ رہی تھیں تو اس منظر سے متعلق ایک سوشل میڈیا صارف کے سوال کے جواب میں درفشاں نے لکھا کہ ’میں جب یہ کمنٹس پڑھتی ہوں تو میں روتی ہوں اور شاید اسی لیے میں اس طرح کا اسکرپٹ پڑھ کر اسے کرنے پر قائل ہوئی ہوں۔‘
درفشاں نے مزید لکھا کہ ان رشتوں، شادیوں سے باہر نکلیں جو سرخ جھنڈے ہیں، چاہے وہ مہینوں کے بعد ہو یا پھر سالوں کے بعد۔‘
واضح رہے کہ جیسے آپ کی مرضی کو ہر منگل اور بدھ کی رات 8 بجے اے آر وائی ڈیجیٹل پر نشر کیا جاتا ہے۔