انجری مسائل سے دوچار پاکستانی بولنگ اٹیک کو بڑا دھچکا لگ گیا۔ فاسٹ بولر نسیم شاہ کے بعد احسان اللہ انجری کے باعث 4 سے 5 ماہ کے لیے کرکٹ سے دور ہو گئے ہیں۔
ایک میڈیا رپورٹ کے مطابق پاکستان کے فاسٹ باؤلر احسان اللہ کی کہنی کی موجودہ انجری مزید خراب ہونے کی وجہ سے ان کی آئندہ کئی ماہ تک کرکٹ سے کنارہ کشی کا امکان ہے۔
چوٹ کے باوجود، احسان اللہ اپنے وزن کی ایکسرسائز کے طریقہ کار پر قائم رہے جس کے نتیجے میں بدقسمتی سے فریکچر ہو گیا۔
سرجری کا فیصلہ انگلینڈ میں طبی ماہرین نے احسان اللہ کی میڈیکل رپورٹس کی مکمل جانچ کے بعد کیا ہے۔
اسپتال سے ڈسچارج ہونے کے بعد، احسان اللہ نے بحالی میں مدد کے لیے اپنے بحالی پروگرام کا آغاز کیا ہے۔
رپورٹ میں مزید کہا گیا ہے کہ ان کے اگلے سال پاکستان سپر لیگ (پی ایس ایل) کھیلنے کے امکانات بھی خطرے میں ہیں۔