ARYNews.tv | Urdu – Har Lamha Bakhabar

کپل دیو کا اغوا، وہی ہوا جس کا ڈر تھا!

Written by

ویب ڈیسک

in

ذرائع ابلاغ پر گزشتہ دنوں بھارتی کرکٹ لیجنڈ کپل دیو کے اغوا کے حوالے سے خبریں گرم تھیں جس کی حقیقت اب آشکار ہوگئی ہے۔

سابق بھارتی اوپنر گوتم گمبھیر نے سوشل میڈیا پلیٹ فارم پر کپل دیو کے اغوا کی ویڈیو شیئر کرتے ہوئے ان کی خیریت سے ہونے کی دعا کی تھی۔ تاہم اب ایک اور ویڈیو شیئر کرتے ہوئے گوتم نے حقیقت سے پردہ اٹھا دیا ہے۔

گوتم نے جو ویڈیو شیئر کی تھی اس میں ایک شخص کے ہاتھ پیٹھ کے پیچھے بندھے ہوئے تھے اور وہ غالباً کپل دیو یا ان سے ملتی جلتی شکل کا کوئی شخص تھا جسے دو افراد زبردستی اپنے ساتھ کھینچتے ہوئے لے جا رہے تھے۔

تاہم سابق بھارتی اوپنر نے جو ویڈیو کلپ شیئر کی ہے اس واضح ہوگیا کہ کپل دیو کو کسی نے اغوا نہیں کیا تھا بلکہ وہ ایک اشتہار کی شوٹنگ سے لیا گیا کلپ تھا۔

کپل دیو نے حال ہی میں آئی سی سی کرکٹ ورلڈکپ کے حوالے سے ایک مضحکہ خیز اشتہار کیا ہے۔ اپنی پوسٹ میں گوتم نے لکھا کہ ’پاجی آپ نے بہت اچھا کھیلا، ایکٹنگ کا ورلڈکپ بھی آپ ہی جیتو گے۔‘

More posts