سوشل میڈیا پر چلنے والی خبروں میں کوئی صداقت نہیں، پی آئی اے

پی آئی اے کے ترجمان نے میڈیا میں شائع ہونے والی خبروں کے ساتھ ساتھ میڈیا اور سوشل پلیٹ فارمز پر گردش کرنے والے جعلی خطوط اور ای میل پیغامات کی سختی سے تردید کردی۔

اس حوالے سے ترجمان پی آئی اے کا کہنا ہے کہ جعلی خطوط میں دعویٰ کیا گیا تھا کہ پی آئی اے اپنے ملازمین میں تنخواہوں کے بونس تقسیم کر رہی ہے۔ یہ معلومات مکمل طور پر بے بنیاد ہیں

انہوں نے کہا کہ اس طرح کی خبریں پھیلانا پی آئی اے کے ملازمین اور عام عوام دونوں کو گمراہ کرنے ایک مذموم کوشش ہے۔

پی آئی اے ایک ذمہ دار ادارہ ہے اور اس کو درپیش موجودہ مالیاتی چیلنجز کے پیش نظر ایسی بے بنیاد معلومات پھیلانا اس قومی ادارے کی ساکھ کو نقصان پہنچاتا ہے۔

ترجمان نے مزید کہا کہ ادارہ حکومت پاکستان کے ساتھ مل کر قومی فضائی کمپنی کو ایک قابل عمل اور منافع بخش ادارے میں تبدیل کرنے کے لیے اس کی تنظیم نو کے مرحلے میں سرگرم عمل ہے۔