پاکستانی شوبز انڈسٹری کی معروف اداکارہ ماہرہ خان نے اسرائیل کی جانب سے فلسطینیوں پر مظالم کے خلاف آواز اٹھا دی۔
سماجی رابطوں کی ویب سائٹ ایکس پر ایک تصویر گردش کر رہی ہے جس میں بچہ فلسطینی جھنڈا لیے اسرائیلی بمباری سے تباہ ہونے والی عمارتوں کو دیکھ رہا ہے۔
تصویر کے کیپشن میں لکھا ہے کہ ’کاش بمباری کے دوران میں تمہیں اپنے دل میں چھپا سکتا۔‘ ماہرہ خان نے اس پوسٹ کو ری ٹوئٹ کرتے ہوئے لکھا کہ ’کاش کاش کاش۔۔‘
غزہ میں اسرائیلی مظالم کے خلاف جہاں دنیا بھر سے آوازیں اٹھ رہی ہیں وہیں پاکستانی فنکار بھی اس کی سخت الفاظ میں مذمت کر رہے ہیں۔
I wish I wish I wish.. https://t.co/1atOc19sCf
— Mahira Khan (@TheMahiraKhan) October 15, 2023
گزشتہ روز نامور اداکارہ ماورا حسین نے اپنے ٹوئٹ میں عالمی برادری کو خاموش رہنے پر تنقید کا نشانہ بنایا۔ انہوں نے اقوام متحدہ اور اس کی انسانی حقوق کی تنظیم کو مخاطب کرتے ہوئے لکھا کہ وہاں بچے مر رہے ہیں جبکہ عالمی رہنما سو رہے ہیں۔
پاکستانی اداکارہ نے لکھا کہ یہ انسانی جانوں کا معاملہ ہے، فلسطین میں تمام مذاہب کے لوگوں کو تشدد سے مارا جا رہا ہے، دنیا اس پر اتنی خاموش یا غیر جانبدار کیوں ہے؟
انہوں نے ایکس صارفین سے درخواست کی کہ آپ اس بارے میں جو کچھ دیکھیں اسے ری ٹوئٹ کریں اور غزہ میں نسل کشی کے خلاف آواز اٹھائیں۔
Children are dying while the world leaders sleep!!!! @UN @UNHumanRights #FREEPALESTINE
This is about human lives.. people of all religions are being violently killed in Palestine.
Why’s the world so quiet or neutral on this ?
Please retweet everything you see, raise your…— MAWRA HUSSAIN (@MawraHocane) October 13, 2023