اسرائیلی پولیس کے سربراہ نے جنگ مخالف مظاہرین کو بسوں میں غزہ بھیجنے کی دھمکی دیدی۔
اسرائیل کے پولیس چیف کوبی شبتائی نے کہا ہے کہ اسرائیل میں غزہ کی حمایت میں ہونے والے مظاہروں کے لیے "زیرو ٹالرنس” ہو گی اور جنگ مخالف مظاہرین کو محصور فلسطینی انکلیو میں بھیجنے کی دھمکی بھی دے دی۔
شبتائی نے کہا کہ جو بھی اسرائیلی شہری بننا چاہتا ہے اسے خوش آمدید کہا جائے اور جو کوئی بھی غزہ کے ساتھ شناخت کرنا چاہتا ہے اس کا خیرمقدم ہے۔ میں اسے ابھی وہاں جانے والی بسوں میں ڈال دوں گا۔
شبتائی نے یہ بھی کہا کہ "کسی بھی قسم کی اشتعال انگیزی کو برداشت نہیں کیا جائے گا احتجاج کے لیے کوئی اجازت نہیں ہوگی۔
انہوں نے کہا کہ اسرائیل ’’حالت جنگ میں ہے ہم ایسی صورتحال میں نہیں ہیں جہاں ہم ہر طرح کے لوگوں کو آنے دیں گے اور وہ ہمیں آزمائیں۔
اسرائیلی پولیس کے ترجمان ایلی لیوی نے بدھ کو آرمی ریڈیو کو بتایا کہ 7 اکتوبر کو غزہ جنگ کے آغاز کے بعد سے اسرائیل میں 63 افراد کو "دہشت گردی” کی حمایت یا اکسانے کے شبے میں گرفتار کیا گیا ہے۔