ہر باپ کی خواہش ہوتی ہے کہ وہ اپنی بیٹی کی شادی کے موقع پر اسے محبتوں اور دعاؤں کے ساتھ رخصت کرے، مگر سعودیہ کے ابہا شہر میں بیٹی کی شادی کی رات دلہن کے والد کی موت نے سعودی شہریوں کو غمگین کردیا۔
غیر ملکی ذرائع ابلاغ کے مطابق مقتول حسن بن محمد المری کے بیٹے محمد نے اس حوالے سے بتایا کہ میری بہن کی شادی تھی اور شادی کی رات ہی والد فانی دنیا کو خیر باد کہہ گئے، جبکہ انہیں صحت کے مسائل کا بھی سامنا نہیں تھا۔
حسن بن محمد المری کے بیٹے محمد نے کہا کہ وہ پر جوش انداز میں شادی میں شریک ہوئے جبکہ شادی میں آنے والے مہمانوں کو وصول بھی کررہے تھے، پھر جب ہم شام کی نماز کی تیاری کرنے لگے تو اچانک ان کا جسم بغیر کسی پیشگی انتباہ کے پر سکون طور پر گر گیا۔
والد کو فوری طور پر ایمبولینس کے ذریعے اسپتال منتقل کیا گیا، لیکن وہ رات گئے دار فانی سے کوچ کرگئے تھے۔
محمد نے بتایا کہ والد اپنے خیراتی کاموں کے لیے جانے جاتے تھے، اور معاشرے پر ان کا واضح مثبت تاثر تھا، خاص طور پر خامس مشیت کورٹ میں اصلاحی شعبہ کے سربراہ کے طور پر اپنی سابقہ خدمات کے دوران، ان کا اپنے قبیلہ رجال الماء میں اپنا مقام تھا۔
انہوں نے ہمیشہ ہمیں نیکی کرنے اور ضرورت مندوں کی مدد کرنے کی ترغیب دی، والد نے ہمارے لیے لوگوں کو عطا کرنے اور محبت کرنے کا ایک عظیم ورثہ چھوڑا ہے۔ بہن کی شادی کے دن ان کی اچانک موت نے ہم سب کو غم سے نڈھال کردیا ہے۔