پاکستانی شوبز انڈسٹری کی معروف اداکارہ ماہرہ خان اپنی ٹوئٹ میں فلسطینیوں پر اسرائیلی مظالم کی مذمت نہ کرنے پر تنقید کی زد میں آ گئیں۔
ماہرہ خان نے سماجی رابطوں کی ویب سائٹ ایکس پر اسرائیل فلسطین تنازع پر اپنے خیالات کا اظہار کیا جس پر صارفین اپنی رائے کا اظہار کر رہے ہیں۔
اداکارہ نے اسرائیل کا نام لیے بغیر لکھا کہ میں اُن لوگوں کیلیے دعائیں کر رہی ہوں جو متاثرین ہیں، جنہوں نے اپنے بچوں اور پورے خاندان کو کھو دیا، جن کے پاس گھر نہیں اور جو ہر لمحہ تکلیف میں گزار رہے ہیں۔ ’خاص طور پر اُن کیلیے دعاگو ہوں جو ان کی تکلیف سے لاعلم اور غلط معلومات کا شکار ہیں۔ قدرت ہم سب پر مہربان ہو۔‘
Prayers for those suffering.. those who have lost their children, their entire families, those who don’t have homes, those who are in pain every single second.. and especially for those who are ignorant and misinformed about the suffering around them. May the universe be kind to…
— Mahira Khan (@TheMahiraKhan) October 20, 2023
ماہرہ خان کے ٹوئٹ کے جواب میں ایک صارف نے سوال کیا کہ آپ کس کیلیے دعائیں کر رہی ہیں؟ دوسرے نے لکھا کہ آپ اسرائیل لکھنا بھول گئیں۔
اسی طرح ایک ایکس صارف نے لکھا کہ ’ماہرہ نے اپنے مستقبل کے ہالی وڈ معاہدوں کو خطرے میں نہ ڈالتے ہوئے اسرائیل کا نام نہیں لکھا۔ مجبوریاں ہوتی ہیں۔‘
ماہرہ خان نے مذکورہ ٹوئٹ پر فوراً ردعمل دیا۔ انہوں نے جواب میں لکھا کہ میں نے اس متعلق واضح طور پر آواز اٹھائی ہے، لہٰذا آپ بیٹھ جائیں اور اپنے وقت کو فلسطین کی دعاؤں کیلیے وقف کریں۔
Uhhh I call it loud and clear. Sit down. use your time to pray for Palestine. https://t.co/1YVhNNxCKO
— Mahira Khan (@TheMahiraKhan) October 20, 2023
چند روز قبل ایکس پر ایک تصویر گردش کر رہی تھی جس میں بچہ فلسطینی جھنڈا لیے اسرائیلی بمباری سے تباہ ہونے والی عمارتوں کو دیکھ رہا تھا۔
تصویر کے کیپشن میں لکھا تھا ’کاش بمباری کے دوران میں تمہیں اپنے دل میں چھپا سکتا‘ جسے اداکارہ نے ری ٹوئٹ کرتے ہوئے لکھا تھا کہ ’کاش کاش کاش۔۔‘
I wish I wish I wish.. https://t.co/1atOc19sCf
— Mahira Khan (@TheMahiraKhan) October 15, 2023