قومی ٹیم کے اوپنر شان مسعود نے قائداعظم ٹرافی میں جارحانہ بلے بازی کرتے ہوئے صرف 25 گیندوں پر نصف سنچری بنا دی۔
کراچی وائٹس نے پہلی اننگز کی 419 رنز کی سبقت کے ساتھ دوسری اننگز شروع کی تو اسے پہلی ہی گیند پر خرم منظور کا نقصان اٹھانا پڑا ۔ عمیر بن یوسف بھی کوئی رن بنائے بغیر آؤٹ ہوئے لیکن صائم ایوب ایک بار پھر زبردست فارم میں نظر آئے۔ پہلی اننگز میں 203 رنز اسکور کرنے کے بعد انہوں نے دوسری اننگز میں بھی شاندار بیٹنگ کرتے ہوئے 109 رنز بنائے جس میں 12 چوکے اور ایک چھکا شامل تھا۔
A barrage of boundaries from @shani_official, slamming a 25-ball half-century #QeAT | #FSDvKHIW pic.twitter.com/gFKLrAbPcL
— Pakistan Cricket (@TheRealPCB) October 24, 2023
صائم ایوب اور اسد شفیق نے چوتھی وکٹ کی شراکت میں 121 رنز کا اضافہ کیا۔اسد شفیق نے سات چوکوں کی مدد سے 60 رنز بنائے ہیں اور وہ ابھی ناٹ آؤٹ ہیں۔
شان مسعود آٹھ چوکوں کی مدد سے 51رنز بناکر آؤٹ ہوئے انہوں نے پہلی اننگز میں 180رنز اسکور کیے تھے۔