چینی اور امریکی طیارے خطرناک حد تک آمنے سامنے

چین کا جیٹ بحیرہ جنوبی چین پر خطرناک حد تک امریکی بمبار کے قریب آگیا۔

امریکی فوج کے مطابق ایک چینی لڑاکا طیارہ امریکی B-52 بمبار طیارے کے تین میٹر (10 فٹ) کے اندر اندر آ گیا ہے۔

امریکا طیارہ جنوبی بحیرہ چین کے اوپر سے پرواز کر رہا تھا اور بیجنگ نے اس واقعے کے لیے واشنگٹن کو ذمہ دار ٹھہرایا ہے۔

جمعرات کی شام یو ایس انڈو پیسیفک کمانڈ کے ایک بیان میں کہا گیا کہ یہ اقدام تقریباً ایک حادثے سے بال بال بچ گیا۔
ایک ایسے وقت میں جب دونوں ممالک خطے میں اثر و رسوخ کے لیے مقابلہ کر رہے ہیں اور کسی بھی حادثے سے بچنے کی حتی الامکان کوشش کر رہے ہیں۔

فوج نے مزید کہا کہ "ہمیں تشویش ہے کہ یہ پائلٹ اس بات سے بے خبر تھا کہ وہ تصادم کے کتنے قریب آیا تھا۔”

چین کی وزارت خارجہ نے الزام امریکہ پر عائد کرتے ہوئے کہا کہ واشنگٹن کا طیارہ جان بوجھ کر اشتعال انگیزی کے طور پر جنوبی بحیرہ چین کے اوپر سے پرواز کر رہا تھا۔