لاہور: وفاقی تحقیقاتی ایجنسی (ایف آئی اے) نے قمر جاوید باجوہ کے سمدھی صابر مٹھو کے خلاف منی لانڈرنگ کی انکوائری ختم کردی۔
اے آر وائی نیوز کے مطابق ایف آئی اے اینٹی منی لانڈرنگ سرکل لاہور نے صابر مٹھو کو نوٹس جاری کرتے ہوئے 23 اکتوبر کو طلب کیا تھا لیکن وہ پیش نہیں ہوئے تھے۔
ایف آئی اے نے صابر مٹھو سے ٹیکس ریٹرنز کی تفصیلات طلب کی تھیں۔
صابر مٹھو سے ملکی و غیرملکی اثاثوں کی تفصیلات طلب کی گئی تھیں، صابر مٹھو سے 2016 سے 2023 تک کی ٹیکس تفصیلات مانگی گئی تھیں۔
ایف ائی اے اینٹی منی لانڈرنگ سرکل نے بتایا تھا کہ صابر حمید کے 19 اکاؤنٹس کا انکشاف ہوا، جس میں سے 14 پاکستانی اور 5 فارن اکاؤنٹس شامل ہیں، صابر حمید کے 19 اکاؤنٹس میں 5.14 بلین کی ٹرانزیکشن کی گئی۔
ایف ائی اے نے بینک اکاؤنٹس ،بیرون ملک دوروں کا ریکارڈ طلب کیا تھا ، صابر حمید کو ذاتی،اہلیہ اور بچوں کے نام پر پاکستان اور پاکستان سےباہرخریدی گئی غیرملکی کرنسی کا ریکارڈ ہمراہ لانے کی بھی ہدایت کی گئی تھی۔
جاری مراسلہ میں کہا تھا کہ پاکستان میں بیرون ملک آف شور کمپنیوں کا بھی ریکارڈ فراہم کیاجائے۔ذاتی حیثیت میں پیش نہ ہونے پرقانونی کارروائی عمل میں لائی جائے گی۔