بھارت کے شہر علی گڑھ میں ایک افسوسناک واقعہ پیش آیا جب ایک غریب باپ جو قرض کے باعث بہت زیادہ پریشان تھا کی جانب سے انتہائی قدم اٹھاتے ہوئے اپنے بیٹے کو فروخت کرنے پر مجبور ہوگیا۔
بھارتی میڈیا رپورٹ کے مطابق مقروض غریب شخص کی اہلیہ اور دو بچوں کے ہمراہ ویڈیو وائرل ہورہی ہے، جس میں 45 سالہ راج کمار کو علی گڑھ کے ایک بس اسٹینڈ پر ’بیٹا برائے فروخت‘ کا بینر گلے میں لٹکائے افسردہ دیکھا جاسکتا ہے۔
بھارتی میڈیا رپورٹ میں بتایا گیا ہے کہ راج کمار نے گھر خریدنے کے لیے چندرا پال نامی شخص سے 50 ہزار روپے سود پر ادھار لیے تھے لیکن چندرا پال کی ہیرا پھیری کے بعد انہیں جائیداد اور پیسوں دونوں سے ہاتھ دھونا پڑا۔
In #UttarPradesh's #Aligarh, a man reeling under debt and being allegedly harassed by his lenders sat with his family at a prominent crossing with placard hanging around his neck that read "My son is up for sale. I want to sell my son". pic.twitter.com/SFcari4iio
— Hate Detector (@HateDetectors) October 28, 2023
لاچار باپ راج کمار نے بتایا کہ میرے پاس روزگار کا ذریعہ ہی صرف میرا رکشہ تھا اس رکشے کو بھی چندراپال نے مجھ سے چھین لیا، میں جب چندرا پال پر مقدمے کیلئے پولیس اسٹیشن گیا تو انہوں نے ایف آئی آر کاٹنے سے انکار کردیا‘۔
راج کمار نے مزید بتایا کہ اب چندراپال مجھے میرے بچوں کے سامنے بے عزت کرتا ہے حتیٰ کہ اس نے مجھے اور میرے بچوں کو مار پیٹ کر گھر سے بھی باہر نکال دیا ہے۔
رپورٹس میں باپ کی لاچارگی سے متعلق مزید بتایا گیا ہے کہ قرض سے تنگ بھارتی شخص اب 8 لاکھ میں اپنا چھوٹا سا بیٹا فروخت کرنا چاہتا ہے۔ تاہم اب تک اس معاملے پر قانون نافذ کرنے والے اداروں نے چپ سادھ رکھی ہے۔