پاکستان کرکٹ ٹیم کے سابق کپتان شاہد آفریدی کی پی سی بی منیجمنٹ کمیٹی کے چیئرمین ذکا اشرف سے ملاقات ہوئی ہے۔
تفصیلات کے مطابق یہ ملاقات پی سی بی ہیڈ کوارٹر قذافی اسٹیڈیم لاہور میں ہوئی جس میں ذکا اشرف کی جانب سے شاہد آفریدی کی کرکٹ کی خدمات کی تعریف کی گئی۔
ذکا اشرف نے کہا کہ شاہد آفریدی پاکستان کے ہیرو اور سُپراسٹار ہیں ہمیں آپ کے ساتھ کام کرکے خوشی ہوگی۔
شاہد آفریدی کی جانب سے ذکا اشرف کی کوششوں کی تعریف کی گئی اور نوجوان کرکٹرز کو گروم کرنے میں دلچسپی کا اظہار کیا۔
انہوں نے کہا کہ نوجوان کرکٹرز کی صلاحیتوں سے فائدہ اٹھانا بہت ضروری ہے۔