سعودی عرب میں واٹس ایپ کال بند ہونے کی وجہ کیا ہے؟

واٹس ایپ باہمی رابطوں کا دنیا بھر میں مقبول ترین ذریعہ ہے لیکن سعودی عرب میں واٹس ایپ کال بند ہے جس کی وجہ بھی سامنے آ گئی ہے۔

عرب میڈیا کے مطابق سعودی عرب میں ٹیکنالوجی کے ماہر سمیر الجنید نے کہا کہ مملکت میں واٹس ایپ کالز بند ہونے کی بنیادی وجہ صارفین کا تحفظ ہے۔

ان کا کہنا تھا کہ واٹس ایپ کی ویڈیو اور آڈیو کال کھولن کی ایک ہی شرط ہے کہ کال کرنے والا فرضی شخصیت نہ ہو اور وہ اپنی اصل شناخت کے ساتھ رابطے میں ہو۔

ماہر ٹیکنالوجی کا کہنا تھا کہ کچھ دن قبل واٹس ایپ کال کھول دی گئی تھی مگر کمپنی کی طرف سے شرط پوری نہ کرنے پر اسے دوبارہ بند کردیا گیا ہے۔

ان کا کہنا تھا کہ سعودی کمیونیکیشن اتھارٹی انٹرنیٹ کے ذریعے کال کی ایک ہی شرط عائد کرتی ہے اور یہ شرط صارفین کے تحفظ کے لیے ہے، خواہ واٹس ایپ ہو یا کوئی اور ایپ اسے چاہئے کہ کال کرنے والےحقیقی اور قابل شناخت شخصیت صارفین کو یقینی بنائے۔

انہوں نے واضح کیا کہ یہ بات غلط ہے کہ واٹس ایپ کال کی اجازت دینے سے اتصالات کمپنیوں کو نقصان ہوگا۔

سمیر الجنید نے کہا ہے کہ یہ تصور غلط ہے اس کی وجہ یہ ہے کہ اتصالات کمپنیوں کے ذریعہ کال 15 ہللہ فی منٹ أوسط لیا جاتا ہے جبکہ انٹر نیٹ کال پر ایک منٹ کی أوسط قیمت 39 ہللہ ہے جو انٹرنیٹ بنڈل سے منہا کر دیا جاتا ہے۔