ممبئی: بھارتی فلموں کے ناقد کمال آر خان نے سلمان خان اور کترینہ کیف کی آج ریلیز ہونے والی ایکشن سے بھرپور فلم ’ٹائیگر 3‘ کے خلاف قانونی کارروائی کا عندیہ دے دیا۔
کمال آر خان بالی وڈ فلموں میں منفی تبصرے کرنے کیلیے مشہور ہیں۔ ماضی میں انہوں نے سلمان خان کی فلموں کو خوف تنقید کا نشانہ بنایا جس کے باعث انہیں قانونی کارروائیوں کا بھی سامنا کرنا پڑا۔
فلمی ناقد نے آج سماجی رابطوں کی ویب سائٹ ایکس پر ’ٹائیگر 3‘ پر تبصرہ کیا۔ کمال آر خان نے پلیٹ فارم پر اپنے متعدد ٹوئٹس میں فلم کی کہانی اور پروڈیوسر پر تنقید کی۔
Dear Adi Chopra, if you wanted to make a film about politics and situation of Pakistan, then you could have made a Pakistani film, not a Hindi film #Tiger3? You have wasted my time, money and energy. So I will file a case in consumer court for sure.
— KRK (@kamaalrkhan) November 12, 2023
کمال آر خان نے فلم کے پروڈیوسر آدتیہ چوپڑا کو مخاطب کرتے ہوئے کہا کہ اگر آپ پاکستان کی سیاسی صورتحال پر فلم بنانا چاہتے تھے تو آپ کو ہندی فلم ٹائیگر 3 کے بجائے پاکستانی فلم پروڈیوس کرنا چاہیے تھی، آپ نے میرا پیسہ، وقت اور قوت ضائع کی، میں اس کے خلاف کنزیومر کورٹ میں ضرور کیس کروں گا۔
انہوں نے لکھا کہ میں ٹائیگر 3 دیکھنے گیا کیونکہ مجھے لگا فلم کی کہانی بھارت کے بارے میں ہوگی، اگر مجھے معلوم ہوتا کہ کہانی پاکستان سے متعلق ہے تو کبھی سینما گھر نہیں جاتا کیونکہ مجھے پاکستان کے بارے میں بننے والی فلم دیکھنے میں کوئی دلچسپی نہیں ہے۔
I went to watch film #Tiger3 because I thought that the story of the film will be about India. If I knew that the story of the film will be about Pakistan only, then I will never go to theatre. Because I am least interested to watch a film about Pakistan. It’s 100% cheating.
— KRK (@kamaalrkhan) November 12, 2023
آدتیہ چوپڑا کو مخاطب کرتے ہوئے کمال آر خان نے کہا کہ مجھے یہ کیوں جاننا چاہیے کہ بینظیر بھٹو کیسے وزیر اعظم بنیں، کیسے حکومت کی اور کس نے انہیں قتل کیا؟ اگر آپ ہمارے لوگوں کو ایسی فلم دکھانا چاہتے ہیں تو آپ کا دماغ خراب ہے۔
Mr. Adi Chopra, pls tell me, why do I want to know, how Benazir Bhutto did become PM? How she was running govt of Pakistan? How she was killed? You are mentally bankrupt if you want to show such a film to Indian people. Have some shame. Aaa Thooo!
— KRK (@kamaalrkhan) November 12, 2023
کمال آر خان نے لکھا کہ آدتیہ چوپڑا نے ٹائیگر 3 میں ہریتک روشن کی موجودگی کے بارے میں بھی جھوٹ بولا، فلم میں صرف شاہ رخ خان نظر آئے اور وہ بھی چند لمحوں کیلیے۔
Adi Chopra did lie to fool people by giving fake news of guest appearances of #JNTR and #HrithikRoshan in his film #Tiger3! While Only #SRK is in the film for a single scene and nobody else.
— KRK (@kamaalrkhan) November 12, 2023