بھارتی اسپنر کلدیپ یادو کو گیند بازوں کے لیے سخت سیمی فائنل کی توقع ہے۔
ہندوستانی اسپنر کلدیپ یادیو کو توقع ہے کہ ممبئی کے بلے بازوں کے لیے دوستانہ وانکھیڑے اسٹیڈیم میں باؤلرز کے لیے مشکل وقت گزرے گا جب میزبان ٹیم اپنے ورلڈ کپ 2023 کے سیمی فائنل میں بدھ کو نیوزی لینڈ سے مقابلہ کرے گی۔
انہوں نے کہا کہ آپ کو کھیل اور مخالفین پر سبقت حاصل کرنے کے لیے کچھ ابتدائی وکٹوں کی ضرورت ہے۔
کلدیپ نے کہا ان کے بعد ہم نے بہت سی دو طرفہ سیریز کھیلی ہیں ہماری تیاری اچھی رہی ہے اور ہم پورے ٹورنامنٹ میں اچھی کرکٹ کھیلنے میں کامیاب رہے ہیں ہم اگلے میچ میں اسی انداز میں کارکردگی کو جاری رہنے کی توقع رکھتے ہیں۔
ان کا کہنا ہے کہ میں صرف اپنی اسٹرنتھ پر کام کرتا ہوں اور اس بات پر توجہ مرکوز کرتا ہوں کہ بلے باز مجھے کس طرح کھیلنے کی کوشش کر رہے ہیں میرا مقصد گیند کو زیادہ سے زیادہ اچھی لینتھ ایریا پر لینڈ کرنا ہے۔
کلدیپ نے ٹورنامنٹ میں ہندوستان کی مسلسل نو فتوحات کے دوران 14 وکٹیں حاصل کیں۔
واضح رہے کہ نیوزی لینڈ سیمی فائنل میں ہندوستان کو ناک آؤٹ کرنے کے اپنے 2019 کے کارنامے کو دہرانے کی کوشش کرے گا۔