سابق کپتان اظہرعلی نے قیادت سے دستبردار ہونے والے بابراعظم کے فیصلے کو انہی کے لیے فائدہ مند قرار دیا ہے۔
اے آر وائی نیوز سے گفتگو کرتے ہوئے اظہرعلی نے کہا کہ بابراعظم نےصورتحال کے مطابق بہترین فیصلہ کیا ہے بابراعظم کےفیصلے سے ٹیم اور انہیں خود کو فائدہ ہوگا انہیں اپنی غلطیوں سے سیکھنے کا موقع ملےگا۔
اظہرعلی نے کہا کہ بابر کےساتھ زیادتی کی گئی انہیں درست طریقے سے گائڈ نہیں کیا گیا ٹیم کی بُری کارکردگی میں مینجمنٹ کی بھی غلطی ہے۔
انہوں نے نئے کپتان کے لیے شان مسعود کی حمایت کرتے ہوئے کہا کہ وہ کاونٹی کرکٹ میں بھی کپتان ہیں اور ملتان سلطانز کی بھی قیادت کر چکے ہیں، شان مسعود تحمل مزاج ہیں اور ٹیم کو لیڈ کرنے کی صلاحیت رکھتے ہیں۔
قومی کرکٹر بابر اعظم نے تینوں فارمیٹ کی کپتانی چھوڑنے کا اعلان کیا اور لکھا کہ تمام فارمیٹ کی کپتانی سے دستبردار ہورہا ہوں۔
انہوں نے کہا کہ فیصلہ کرنا مشکل تھا لیکن یہی درست وقت ہے۔
بابر اعظم نے لکھا کہ پاکستان کے لیے تینوں فارمیٹ بطور کھلاڑی کھیلتا رہوں گا، پی سی بی نے جو مواقع دیے اس کا شکریہ ادا کرتا ہوں۔