قومی ٹیم کے آل راؤنڈر عماد وسیم نے بابر اعظم کی جانب سے کپتانی چھوڑنے کا فیصلے کو درست قرار دے دیا۔
نجی ٹی وی کے پروگرام میں عماد وسیم، محمد عامر اور عبدالرزاق نے بابر اعظم کی کپتانی کی چھوڑنے کے فیصلے اور نئے کپتانوں پر اظہار خیال کیا۔
عماد وسیم نے کہا کہ بابراعظم کا کپتانی چھوڑنا اچھا فیصلہ ہے، اس سے بابر پر سے بوجھ ہٹے گا کیونکہ کپتانی کا بوجھ ہوتا ہے اور اب وہ اپنی پرفارمنس پر فوکس کرے گا۔
فاسٹ بولر محمد عامر بولے کہ بابر جیسا کھلاڑی ہے اُسے ثابت کرنے کی ضرورت نہیں، وہ اس چیز کو چیلنج لے۔
محمد عامر نے کہا کہ شان مسعود اچھا کپتان ثابت ہوسکتا ہے، شان مسعودکا ڈومیسٹک سیزن اچھا جارہا ہے۔
سابق آل راؤنڈر عبدالرزاق نے کہاکہ بابراعظم ہمارے نمبر ون کھلاڑی ہیں، ان کو ٹیم میں ہونا چاہیے جیسے کوہلی ہے، مجھے امید ہے نئے کپتانوں کے سر پر کپتانی نہیں چڑھے گی۔
انہوں نے کوچنگ اسٹاف سے متعلق کہا کہ ہمیں غیر ملکی کوچ نہیں رکھنے چاہئیں۔