سعودی عرب میں نئی قسم کا منفرد بچھو دریافت کیا گیا ہے جو حجم میں عمومی بچھوؤں کے سائز سے بڑا ہے۔
غیر ملکی میڈیا نے سعودی عرب میں جنگلی حیات کی افزائش کے قومی مرکز کے حوالے سے رپورٹ کیا ہے کہ مملکت کے محفوظ قومی جنگل میں نئے قسم کے بچھو دریافت کیے گئے ہیں جس کو اُسی علاقے کے نام سے منسوب کر دیا گیا ہے۔
سعودی خبررساں ایجنسی ایس پی اے کے مطابق جنگلی حیات کے قومی مرکز نے اپنے ایکس اکاؤنٹ پر بتایا کہ ھضب بچھو کا سائز بڑا ہے۔ اس کا تعلق Buthidae نسل کے بچھوؤں سے ہے اس کی لمبائی 113.6 ملی میٹر ہے۔
دریافت ہونے بچھو کا رنگ زرد ہے۔ اس قسم کے بچھو سعودی عرب میں پائے جاتے ہیں تاہم نئی قسم کے بچھو کی کمر پر سیاہ نشان ہیں۔
قومی مرکز نے بتایا کہ یہ بچھو گھنی گھاس والی وادیوں میں پتھروں کے نیچے چھپے رہتے ہیں جو دن کے وقت جانوروں کے بلوں میں گھس جاتے ہیں اور رات کے وقت اپنے شکار کی تلاش میں نکلتے ہیں۔
’مجامع الھضب‘ محفوظ قومی جنگل میں دریافت ہوئے ہیں اسی سے نسبت کے تحت اس کا اندراج کر لیا گیا ہے۔
یاد رہے کہ مجامیع الھضب محفوظ قومی جنگل مکہ ریجن کے رنیہ شہر کے مشرق میں واقع ہے، جہاں سرمئی رنگ کی چٹانوں والے آتش فشاں پائے جاتے ہیں۔