ملکی برآمدات کو 100ارب ڈالرز تک پہنچانے کا منصوبہ تیار کر لیا گیا۔ برآمدات کے فروغ کے لیے چین پر فوکس رکھنے کا فیصلہ کیا گیا ہے۔
ذرائع کے مطابق برآمدات کو 100ارب ڈالرز تک پہنچانے کے لیے وزارت تجارت کی حکمت عملی بنا لی گئی ہے۔
چین کی مارکیٹس میں پاکستان مصنوعات کی رسائی بڑھانے کی تجاویز ہے۔
اس سلسلے میں آئندہ ماہ پاکستانی صنعتکاروں کا وفد وزیر تجارت کی سربراہی میں چین کا دورہ کرے گا۔ چینی کے سرمایہ کاروں کے ساتھ پاکستانی برآمدات بڑھانے کے پلان پر بات ہوگی۔
ذرائع کے مطابق ملک کی سب سے بڑی کمپنیوں کے سربراہان کا وفد بھی چین کا دورہ کرے گا۔ چینی منڈیوں میں ٹیکسٹائل اور نان ٹیکسٹائل مصنوعات کی برآمدات بڑھانے کی تجویز ہے۔
وژن پاکستان کے تحت برآمدات 100 ارب ڈالرز تک پہنچائی جائیں گی۔