قومی ٹیم کے آل راؤنڈر عماد وسیم نے انٹرنیشنل کرکٹ سے ریٹائرمنٹ کا اعلان کردیا۔
سماجی رابطے کی ویب سائٹ (ایکس) ٹوئٹر پر کرکٹر عماد وسیم نے اپنے ریٹائرمنٹ کا اعلان کیا اور ساتھ ہی پاکستان کرکٹ بورڈ کا شکریہ بھی ادا کیا۔
انہوں نے لکھا کہ ریٹائرمنٹ لینے کا یہ بالکل درست وقت ہے، پی سی بی اور تمام مداحوں کی سپورٹ کا شکریہ ادا کرتا ہوں، 121 میچوں میں پاکستان کی نمائندگی کرنا اعزاز ہے۔
عماد وسیم نے کہا کہ میری سب کے لیے نیک خواہشات ہیں، اب میں انٹرنیشنل کیرئیر سے ہٹ کر اگلے مرحلے پر اپنی توجہ مرکوز کروں گا۔
— Imad Wasim (@simadwasim) November 24, 2023
واضح رہے کہ عماد وسیم نے 55 ون ڈے اور 66 ٹی 20انٹرنیشنل میں قومی ٹیم کی نمائندگی کی۔
پاکستان کرکٹ بورڈ (پی سی بی) نے لکھا کہ ’عماد وسیم پاکستان کرکٹ کے لیے آپ کی خدمات کے لیے شکریہ، مستقبل کی کوششوں کے لیے آپ کے لیے نیک خواہشات کا اظہار کرتے ہیں۔‘
اس سے قبل نیشنل ٹی 20 میں اسلام آباد کے ہیڈ کوچ جنید خان نے تصدیق کی تھی کہ عماد وسیم نیشنل ٹی 20 چھوڑ کر ٹی 10 لیگ کھیلنے جارہے ہیں۔
عماد کو جمعہ کو پی سی بی نے اسلام آباد کے اسکواڈ میں شامل کیا تھا۔ انہیں حارث رؤف کی قیادت میں کھیلنا تھا۔
View this post on Instagram
عماد کراچی وائٹس کے خلاف ابتدائی میچ میں اسلام آباد کی پلیئنگ الیون کا حصہ نہیں تھے۔