قومی ٹیم کے فاسٹ بولر شاہین آفریدی نے ڈیوڈ وارنر کو آخری ٹیسٹ سیریز یادگار نہ بنانے دینے کی خواہش کا اظہار کیا ہے۔
کنبیرا میں میڈیا سے گفتگو کرتے ہوئے انہوں نے کہا کہ ڈیوڈ وارنر کا کرکٹ کیرئیر شاندار ہے وہ تینوں فارمیٹ کے بہترین کھلاڑی ہیں وارنر کے لیے نیک تمنائیں ہیں مگر پرامید ہوں وہ پاکستان کے خلاف اچھا پرفارم نہیں کریں گے۔
شاہین نے کہا کہ پاکستان فی الحال ورلڈ ٹیسٹ چیمپئن شپ کے پوائنٹس ٹیبل پر سرفہرست ہے امید ہے آسٹریلیا میں اچھی کارکردگی کا مظاہرہ کریں۔
ان کا کہنا تھا کہ کینبرا میں کھیلنے کا زیادہ تجربہ نہیں مگر پی ایم الیون کے خلاف میچ سیریز کی تیاری میں اہم ہوگا آسٹریلیا نے مضبوط اسکواڈ کا اعلان کیا ہے مگر پاکستان ٹیم اس چیلنج کے لیے تیار ہے۔
فاسٹ بولر نے کہا کہ پاکستان کے پاس سینئر اور جونیئر کا اچھا کمبی نیشن ہے یہاں کی کنڈیشنز آسان نہیں ہوتیں خصوصی ایشیائی ٹیموں کو مشکلات کا سامنا کرنا پڑتا ہے تاہم چیلنجنگ کنڈیشن میں اچھی کارکردگی کے لیے پرُامید ہیں۔