نئی دہلی: بھارتی فضائیہ کا تربیتی طیارہ دوران پرواز حادثے کا شکار ہوگیا جس کے نتیجے میں 2 پائلٹ ہلاک ہو گئے۔
بھارتی میڈیا رپورٹ کے مطابق تلنگانہ کے ضلع میدک میں آج ایک تربیتی طیارہ گر کر تباہ ہوگیا جس میں بھارتی فضائیہ کے دو پائلٹ ہلاک ہوگئے۔
ایئر فورس نے بتایا کہ ہوائی جہاز نے حیدرآباد میں ایئر فورس اکیڈمی سے معمول کی تربیت کے لیے اڑان بھری تھی جب یہ حادثہ پیش آیا، طیارے کے گرنے کے وقت ایک ٹرینر اور ایک ٹرینی پائلٹ اس کے اندر موجود تھے وہ دونوں ہلاک ہو گئے ہیں۔
A Pilatus PC 7 Mk II aircraft met with an accident today morning during a routine training sortie from AFA, Hyderabad. It is with deep regret that the IAF confirms both pilots onboard the aircraft sustained fatal injuries. No damage to any civil life or property has been…
— Indian Air Force (@IAF_MCC) December 4, 2023
بھارتی ایئر فورس کا کہنا ہے کہ حادثے کی وجوہات جاننے کے لیے تحقیقات کا حکم دے دیا گیا ہے دوسری جانب وزیر دفاع نے اس حادثے پر افسوس کا اظہار کیاہے۔