لاہور: پی ایس ایل سیزن 9 میں کھلاڑیوں کی ٹریڈ اور ری ٹینشنز کا مرحلہ مکمل ہوگیا، لاہور قلندرز نے اوپنر فخر زمان کو ریلیز کردیا ہے۔
پی ایس ایل سیزن 9 میں کراچی کنگز کے آٹھ کھلاڑی برقرار ہیں، شان مسعود گولڈ کیٹیگری میں شامل ہونے کے ساتھ برانڈ ایمبسیڈر بھی ہوں گے، شعیب ملک بطور مینٹور گولڈ کیٹیگری کا حصہ ہیں۔
کراچی کنگز میں جیمز ونس، تبریز شمسی، میر حمزہ، محمد اخلاق، عرفان خان بھی برقرار ہیں۔
واضح رہے کہ پی ایس ایل کی ڈرافٹنگ 13 دسمبر کو لاہور میں ہوگی۔
اسلام آباد یونائیٹڈ نے پچھلے ایڈیشن کے چھ کھلاڑی برقرار رکھے ہیں جبکہ کھلاڑی ٹریڈ کے بعد حاصل کیے ہیں۔
یونائیٹڈ نے شاداب خان، اعظم خان، ایلیکس ہیلز، فہیم اشرف، رومان رئیس اور کولن منرو کو ریٹین کیا ہے جبکہ ٹریڈ کے بعد عماد وسیم اور نسیم شاہ کو شامل کیا گیا ہے۔
HBL PSL 2024 player retentions are officially out…
Click for more details https://t.co/2rCCta1zRo#HBLPSLDraft #HBLPSL9 pic.twitter.com/LMIngPMHb4
— PakistanSuperLeague (@thePSLt20) December 7, 2023
لاہور قلندرز کے ریٹین اسکواڈ میں شاہین آفریدی، حارث رؤف، ڈیوڈ ویزے، سکندر رضا، عبداللہ شفیق، زمان خان، مرزا طاہر بیگ، راشد خان شامل ہیں جبکہ اوپنر فخر زمان کو ریلیز کردیا گیا ہے۔
ملتان سلطانز کی ریٹین اور ٹریڈ میں محمد رضوان، افتخار احمد، خوشدل شاہ، اسامہ میر، عباس آفریدی، احسان اللہ اور اسپنر فیصل اکرم شامل ہیں۔
پشاور زلمی کے اسکواڈ میں بابر اعظم، رومن پاول، صائم ایوب، ٹام کوہلر کیڈمور، محمد حارث، عامر جمال، خرم شہزاد اور حسیب اللہ خان شامل ہیں۔
کوئٹہ گلیڈی ایٹرز کی ریٹین اور ٹریڈ میں سرفراز احمد، رائلی روسو، محمد وسیم جونیئر، جیسن رائے، ونندو ہسارنگا، محمد حسنین، ابرار احمد، ول اسمتھ شامل ہیں۔