بالی ووڈ کی معروف اداکارہ عالیہ بھٹ اور کامیڈین و اداکار کپل شرما نے مداحوں کے دل جیت لیے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق معروف اداکارہ عالیہ بھٹ اور کامیڈین کپل شرما نے کینسر میں مبتلا بچوں کے ساتھ ڈانس کیا جسے مداحوں کی جانب سے خوب سراہا جارہا ہے۔
عالیہ اور کپل نے حال ہی میں کینسر میں مبتلا بچوں کے لیے منعقد کی گئی تقریب میں شرکت کی۔
سوشل میڈیا کے مختلف پیجز پر اس تقریب کی وائرل ہونے والی ویڈیو میں دیکھا جا سکتا ہے کہ عالیہ اور کپل نے کینسر میں مبتلا بچوں کے ساتھ ڈانس بھی کیا جس پر بچے بہت خوش ہوئے۔
ویڈیو کو سوشل میڈیا صارفین کی جانب سے بہت پسند کیا جا رہا ہے۔
سوشل میڈیا صارفین کی جانب سے بیمار بچوں کے چہروں پر مسکراہٹیں بکھیرنے پر عالیہ بھٹ اور کپل شرما کی تعریفیں بھی کی جا رہی ہیں۔