لاہور : مسلم لیگ ن کے صدر شہباز شریف نے پی ٹی آئی پر 8 فروری کے انتخابات ملتوی کرانے کی سازش کا الزام لگاتے ہوئے کہا انتخابات میں تاخیر ہوئی تو ذمہ دار پی ٹی آئی ہوگی۔
تفصیلات کے مطابق مسلم لیگ ن کے صدر اور سابق وزیراعظم شہباز شریف نے اپنے بیان میں کہا ہے کہ پی ٹی آئی 8 فروری کے انتخابات ملتوی اور سبوتاژ کرانے کی سازش کر ر ہی ہے اور پی ٹی آئی کی درخواست عوام کی ترجمانی کو سبوتاژ کرنے کی سازش ہے۔
شہباز شریف کا کہنا تھا کہ الیکشن کے خلاف پی ٹی آئی درخواستیں الیکشن سے فرار کی منصوبہ بندی ہے، سائفر کی طرح پی ٹی آئی 8 فروری کےانتخابات کے خلاف سازش کر رہی ہے اور 8 فروری سے فرار کی راہیں تلاش کررہی ہے۔
ن لیگی رہنما نے کہا کہ پی ٹی آئی ہمیشہ کی طرح دوغلی، دوہری اور منافقانہ پالیسی پرکاربند ہے، پی ٹی آئی میڈیامیں جلدالیکشن کی بات جبکہ عدالتوں میں تاخیر کی پٹیشنزکرتی ہے۔
ان کا کہنا تھا کہ 2018 میں بھی بیوروکریسی نے ہی ڈسٹرکٹ ریٹرننگ افسران کی ذمہ داری نبھائی تھی، 2018 میں تو بیوروکریسی کےڈی آراوزکا فرض نبھانےپرپی ٹی آئی نےاعتراض نہیں کیا، اب ڈی آراوز کے خلاف پٹیشن لے کر پی ٹی آئی لاہور ہائی کورٹ گئی۔
شہباز شریف نے کہا کہ 8 فروری 2024 کے انتخابات میں تاخیر ہوئی تو ذمہ دار پی ٹی آئی ہوگی۔