برطانیہ میں نام ’’محمد‘‘ رواں مسلم خاندانوں میں ایک بار پھر بڑی تعداد میں نوزائیدہ بچوں کے نام محمد رکھے گئے ہیں۔
غیر ملکی میڈیا کے مطابق برطانیہ میں رواں سال مسلمان خاندانوں نے ایک بار پھر بڑی تعداد بھی اپنے نوزائیدہ بچوں کے نام محمد رکھے ہیں۔
برطانوی اخبار دی مرر نے بے بی سینٹر کے اعداد وشمار کے حوالے سے بتایا ہے کہ ہر جنس کے 100 میں سے 24 بچوں کے نام کے ساتھ محمد لگایا گیا ہے۔
رپورٹ کے مطابق دیگر ناموں میں علی، عبداللہ، ابراہیم، عبدل، موسیٰ، احمد، یوسف، عمر، زایان اور حمزہ شامل ہیں جو مسلماخاندانوں میں مقبول ہیں۔
نوزائیدہ بچیوں کے رکھے جانے والے ناموں میں لیلیٰ سب سے اوپر رہا جب کہ دیگر رکھے جانے والے ناموں میں مریم، فاطمہ، نور، عائشہ، زہرہ اور رایا نام مقبول ترین رہے۔
واضح رہے کہ دنیا بھر میں مسلمانوں کی اکثریت نبی آخر الزماں حضرت محمد ﷺ سے عقیدت اور محبت کا اظہار کرتے ہوئے اپنے بچوں کا نام محمد یا نام کے ساتھ محمد ضرور رکھتی ہے۔