شوبز انڈسٹری کی ماڈل و اداکارہ کرن اشفاق نے دوسری شادی کے حوالے سے لب کشائی کردی۔
اداکارہ کرن اشفاق نے حال ہی میں ایک پوڈ کاسٹ میں شرکت کی جہاں انہوں نے عمران اشرف سے طلاق اور دوسری شادی سے متعلق اظہار خیال کیا۔
کرن اشفاق نے گزشتہ دنوں پیپلزپارٹی کے رہنما و تاجر حمزہ علی چوہدری سے دوسری شادی کی جس کی تصاویر، ویڈیوز سوشل میڈیا پر وائرل ہوگئی تھیں۔
انہوں نے دوسری شادی سے متعلق بتایا کہ ’میں ملائیشیا نہیں جانا چاہتی تھی میرے امی ابو پاکستان آئے اور وہ مجھے لے گئے، مجھے پتا تھا میرے ساتھ کیا ہوگا اور وہی ہوا، میری شادی حمزہ سے ہوگئی، ان کے ساتھ خوش ہوں اور وہ مجھے ہر طرح سے سپورٹ کرتے ہیں۔
انہوں نے کہا کہ پہلی شادی میں بہت سارے مسائل تھے، شوہر کا سپورٹ کرنا ضروری ہوتا ہے جو میری شادی میں نہیں تھا۔
کرن اشفاق نے بتایا کہ میری امی مجھے ایک ہی بات بولتی تھیں کہ برداشت کرنا اور میری امی ابو کو کچھ نہیں بتاتی تھیں کیوں کہ انہیں پتا تھا کہ جس دن ابو کو پتا چلے گا وہ برداشت نہیں کرسکیں گے اور یہ ہی ہوا، میری طلاق کا پتا چلتے ہی وہ 5،6 دن اسپتال میں داخل رہے۔
View this post on Instagram
اداکارہ نے کہا کہ طلاق کی وجہ سے ذہنی اذیت میں مبتلا رہی اور میری اتنی ہمت نہیں تھی کہ میں اپنے بھائیوں سے بات کرتی۔
اداکارہ نے مزید کہا کہ اس ملک میں صرف لڑکی کی طلاق ہوتی ہے لڑکے کی نہیں، لوگ مجھے بولتے ہیں مسئلے تھے تو پہلے کیوں نہیں چھوڑا کیوں کہ میری امی چھوڑنے نہیں دیتی تھیں، برداشت کرنے کا ہی بولتی تھیں، مجھے 5 سالوں میں کسی بھی قسم کی تقریبات میں جانے کی اجازت نہیں تھی۔
View this post on Instagram
یاد رہے کہ عمران اشرف اور کرن اشفاق نے اکتوبر میں علیحدگی کا اعلان سوشل میڈیا پر کیا تھا۔