لاہور: پنجاب کے مختلف علاقوں میں شدید دھند کے باعث موٹر وے کو متعدد مقامات پر بند کردیا گیا ہے، موٹر وے پولیس نے عوام سے حفاظتی تدابیر اختیار کرنے کا کہا ہے۔
اے آر وائی نیوز کے مطابق موٹروے ایم 2 لاہور سے کوٹ مومن تک دھند کی وجہ سے بند ہے، جبکہ موٹر وے ایم 3فیض پور سے درخانہ بھی دھند کے باعث بند ہے۔
اس کے علاوہ موٹروے ایم 4 عبد الحکیم سے فیصل آباد تک دھند کی وجہ سے بند ہے جبکہ موٹروے ایم 5 شیرشاہ سے روہڑی تک دھند کی وجہ سے بند کردی گئی ہے۔
موٹر وے پولیس نے شہریوں کو دوران سفر احتیاطی تدابیر اختیار کرنے کی ہدایت کرتے ہوئے کہا ہے کہ موٹر ویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔
ترجمان موٹر ویز نے موجودہ صورتحال میں عوام کو غیر ضروری سفر اور تیز رفتاری سے گریز کرنے، دوران ڈرائیونگ فوگ لائٹس استعمال کرنے اور اگلی گاڑی سے مناسب فاصلہ رکھنے کی ہدایت کی ہے۔
بھارت اور افغانستان کی پاکستان کیخلاف آبی جارحیت
ترجمان نے کہا کہ دوران سفر کسی بھی صورتحال میں معلومات اور مدد کے لیے ہیلپ لائن 130 سے رابطہ کریں۔