سابق بھارتی کپتان ایم ایس دھونی نے مداح کو پاکستان جانے کا مشورہ دے دیا۔
بھارتی میڈیا رپورٹس کے مطابق سابق بھارتی کپتان مہندر سنگھ دھونی 15 سال کے بعد بھی پاکستانی کھانوں کا ذائقہ نہ بھول سکے اور کہا کہ آپ کو مزیدار کھانوں کے لیے کم از کم ایک بار ضرور پاکستان جانا چاہیے۔
ویڈیو میں دیکھا جاسکتا ہے کہ دھونی سے اچھے کھانوں سے متعلق سوال ہوا تو انہوں نے پاکستان جانے کا مشورہ دیا۔
'You should go to Pakistan once for the food.' MS Dhoni pic.twitter.com/2SLZIxKASl
— Taimoor Zaman (@taimoorze) December 29, 2023
دھونی کی یہ ویڈیو سوشل میڈیا پر کافی وائرل ہو رہی ہے اور صارفین نے دھونی کی حمایت کرتے ہوئے کہا کہ پاکستانی پکوان اپنی لذت اور ذائقے کے باعث دنیا کے کسی بھی کھانے سے کم نہیں۔
واضح رہے کہ بھارتی لیجنڈ نے آخری بار 2008 میں پاکستان کا دورہ کیا تھا۔