الیکشن کمیشن نے چیئرمین پیمرا کو مراسلہ ارسال کیا ہے جس میں کہا گیا ہے کہ ضابطہ اخلاق کی خلاف ورزی کرنے والے میڈیا کے خلاف ایکشن لیا جائے۔
تفصیلات کے مطابق الیکشن کمیشن نے آئندہ عام انتخابات کے لیے چیئرمین پیمرا کو مراسلہ ارسال کردیا ہے جس میں کہا کہ الیکشن کے ضابطہ اخلاق کی خلاف ورزی کرنے والے میڈیا کے خلاف سخت ایکشن لیا جائے۔
الیکشن کمیشن کے مراسلے میں کہا گیا ہے کہ بعض چینلز پول سروے نشر کر رہے ہیں الیکشن کے ضابطہ اخلاق کے مطابق اسکی ممانعت ہے۔
الیکشن کے ضابطہ اخلاق کے مطابق پرنٹ اور الیکٹرونک میڈیا کو پولنگ اسٹیشن اور حلقوں سے سروے اور پول کرانے سے روکا گیا ہے۔ یہ سرگرمیاں ووٹر پر اثر انداز ہوتی ہیں اور الیکشن عمل میں خلل ڈالتی ہیں۔
مراسلے میں کہا گیا ہے کہ پیمرا ایسے چینلز کے خلاف فوری ایکشن لے کر جلد از جلد رپورٹ جمع کرائے۔