کراچی : سونے کی فی تولہ قیمت میں ایک بار پھر نمایاں کمی سامنے آئی ہے، اس کے علاوہ عالمی منڈی میں بھی سونے کے نرخوں میں بھی کمی ریکارڈ کی گئی۔
آل پاکستان جیمز اینڈ جیولرز ایسوسی ایشن کے مطابق آج ملک میں 24 کیرٹ سونے کی فی تولہ قیمت میں 1900روپے کمی واقع ہوئی ہے۔
اس نمایاں کمی کے بعد مقامی صرافہ بازار میں ایک تولہ سونا دو لاکھ 16 ہزار 100 روپے کا ہوگیا ہے جبکہ دس گرام سونے کا بھاؤ 1629 روپے کم ہوکر ایک لاکھ 85 ہزار 271 روپے ہے۔
جیولرز ایسوسی ایشن کے مطابق انٹرنیشنل مارکیٹ میں سونے کا بھاؤ 18 ڈالر کم ہوکر 2027 ڈالر فی اونس ہے۔