امریکی شہر لاس ویگس میں جج پر حملہ کرنے والے ملزم کو چار سال قید کی سزا سنا دی گئی، جج میری کی ہولتھس نے مجرم ڈیوبرا ریڈن کو یہ سزا اُن کے متعلقہ کیس میں سنائی ہے۔
غیر ملکی ذرائع ابلاغ کے مطابق مقامی عدالت کے ریکارڈ کے مطابق ملزم کو جج پر حملہ کرنے سمیت دیگر 13 نئے مقدمات میں آج پھر عدالت میں پیش کیا جائے گا۔
ملزم نے گزشتہ ہفتے سزا سنانے کے دوران جج میری کی ہولتھس پر حملہ کیا تھا۔ جس کی ویڈیو بھی سوشل میڈیا پر وائرل ہوئی تھی۔
Man attacks Las Vegas judge at sentencing pic.twitter.com/nMaJUVapW3
— Daily Loud (@DailyLoud) January 3, 2024
جج میری کی ہولتھس نے ملزم ڈیوبرا ریڈن کو تشدد کے کیس میں سزا سنائی تو اس نے بینچ کے اوپر سے چھلانگ لگا کر جج کو سیٹ سے نیچے گرا دیا اور تشدد کرنا شروع کردیا۔
عدالت میں موجود سیکورٹی عملہ جج کو چھڑانے کی غرض سے فوری طور پر حرکت میں آیا، سیکورٹی نے جج کو ملزم سے چھڑایا اور اپنے ساتھ لے گئے۔