صائم ایوب کی جارحانہ بیٹنگ پر شاہین نے کیا کہا؟

کپتان شاہین شاہ آفریدی نے ایڈن پارک، آکلینڈ میں پہلے ٹی ٹوئنٹی میں نیوزی لینڈ کے ہاتھوں پاکستان کی 46 رنز سے شکست کے بعد اپنے خیالات کا اظہار کیا ہے۔

میچ کے بعد گفتگو کرتے ہوئے انہوں نے کہا کہ ہمیشہ اپنے ملک کی کپتانی پر فخر ہے تیز گیند بازوں کے لیے مختصر باؤنڈری تھی لیکن یہ صرف ایک آغاز ہے اور ہم نے بہت اچھی کرکٹ کھیلی ہم اگلے چند میچوں میں اپنی بہترین کارکردگی دکھانے کی کوشش کریں گے۔

https://urdu.arynews.tv/mohammad-amir-reaction-to-saim-ayub-batting/

انہوں نے کہا کہ میچ کے دوران ہم نے کیچ چھوڑے ہمیں میدان میں مزید اچھا پرفارم کرنا ہوگا خاص کر فیلڈنگ یونٹ میں بہتری لانی ہو گی۔

شاہین نے اوپنر صائم ایوب کی تعریف کی جنہوں نے ہدف کے تعاقب کے دوران صرف 8 گیندوں پر 27 رنز بنائے۔

انہوں نے مزید کہا کہ میرے خیال میں یہ ہمارے لیے ایک مثبت علامت ہے، صائم ایوب نے اچھی اننگز کھیلی آپ کو انہیں وقت دینا ہوگا اور ہم ورلڈ کپ کے لیے منصوبہ بندی کر رہے ہیں اور یہ ایک آغاز ہے۔