انڈر 19 کرکٹ ورلڈ کپ کے 15 ویں ایڈیشن کا آج سے جنوبی افریقہ مین آغاز ہو رہا ہے افتتاحی میچ امریکا اور آئرلینڈ کے درمیان کھیلا جائے گا۔
کرکٹ شائقین سنسنی خیز میچز کے لیے ہو جائیں تیار کہ آج سے جنوبی افریقہ میں سج رہا ہے انڈر 19 کرکٹ ورلڈ کپ کے 15 ویں ایڈیشن کا میدان۔ میگا ایونٹ کے میچز پانچ وینیوز پر منعقد ہوں گے۔ ٹورنامنٹ کا فائنل 11 فروری کو بینونی میں کھیلا جائے گا۔
بھارت دفاعی چیمپئن کی حیثیت سے ایونٹ میں شریک ہے تاہم افتتاحی میچ میں آج امریکا اور آئرلینڈ کی ٹیمیں مدمقابل ہوں گی جب کہ میزبان جنوبی افریقہ اور ویسٹ انڈیز بھی پہلے دن ٹکرائیں گے۔
اس جونیئر میگا ایونٹ میں 16 ٹیمیں شرکت کر رہی ہیں جنہیں 4 گروپس میں تقسیم کیا گیا ہے۔ پاکستان گروپ ڈی میں نیوزی لینڈ، افغانستان اور نیپال کے ساتھ موجود ہے۔ پاکستان اور افغانستان کی ٹیمیں کل (ہفتہ) ایکشن میں ہوں گی۔ سعد بیگ کی قیادت میں کھیلنے والی قومی ٹیم ایک ہفتے سے جنوبی افریقہ میں ہے۔
1️⃣ day to go before the start of the ICC U19 World Cup!
Pakistan U19 will start their campaign on 20 January against Afghanistan U19 ️
Watch live action on https://t.co/nuG88YfgPH#PakistanFutureStars | #U19WorldCup pic.twitter.com/sCkWTdpyHw
— Pakistan Cricket (@TheRealPCB) January 18, 2024
پاکستان اور افغانستان کا آخری میچ انڈر نائن ٹین ایشیا کپ میں ہوا تھا جس میں قومی ٹیم 83 رنزسے فاتح رہی تھی۔ کپتان سعد بیگ نے ورلڈ کپ میں بہترین پرفارمنس دینے کا اظہارکیا ہے۔
اب تک بھارت سب سے زیادہ پانچ بار جونیئر کرکٹ کا چیمپئن بن چکا ہے، آسٹریلیا تین جب کہ پاکستان دو مرتبہ انڈر 19 ورلڈ کپ کی ٹرافی اٹھا چکے ہیں۔