پنجاب میں جاری شدید دھند اور حد نگاہ انتہائی کم ہونے کے باعث ملک بھر میں 21 ملکی وغیر ملکی پروازیں منسوخ اور 7 متبادل ایئرپورٹس منتقل کر دی گئی ہیں۔
اے آر وائی نیوز کو سول ایوی ایشن ذرائع سے ملنے والی اطلاعات کے مطابق جو پروازیں منسوخ کی گئی ہیں ان میں کراچی سے لاہور کی پروازیں پی کے 302، 303 پی اے 402، 401 اور کراچی سے اسلام آباد کی پروازیں ای ار 500 اور پی اے 401 شامل ہیں۔
ان کے علاوہ دمام سے لاہور پی ایف 743، دبئی سے لاہور پی کے 236، مسقط سے لاہور پی ایف 733، جدہ سے لاہور آنیوالی سعودی ایئر کی پروازیں ایس وی 739، 738 بھی منسوخ کر دی گئی ہیں۔
اسلام آباد سے گلگت پی کے 601، 602 اور اسکردو کے لیے پروازیں 451، 452 اور دبئی سے اسلام آباد کے لیے پی کے 233 اور ملتان سے کراچی کی پرواز پی کے 331 بھی منسوخ کی گئی ہے۔ پی آئی اے کی القسیم سے ملتان کیلیے پرواز پی کے 170 اور ارومکی سے اسلام آباد کی پرواز سی زیڈ 6007 اور 6008 بھی منسوخ کر دی گئی ہیں۔
جن پروازوں کو متبادل ایئرپورٹس پر اتارا گیا ہے ان میں پی آئی اے کی دبئی سے پشاور آنے والی پرواز پی کے 284 کو کراچی اتار لیا گیا ہے جب کہ پی آئی اے کی ریاض سے ملتان کی پرواز پی کے 766 لاہور اتار لی گئی ہے۔
شارجہ سے پشاور پرواز پی کے 258 اور دبئی سے اسلام آباد پی کے 112 کی بھی لاہور میں لینڈنگ کی گئی ہے جب کہ نجی ایئر لائن کی ابوظہبی سےاسلام آباد کی پرواز پی اے 231 کو بھی لاہور میں اتارا گیا ہے۔ دبئی سے سیالکوٹ پی کے 180 اسلام آباد بحرین اسلام آباد پی کے 188 پشاور اتاری گئی ہے۔