پاکستان نے بھارت کی ٹینس ٹیم کو ڈیوس کپ کے لیے ویزہ جاری کر دیے ہیں ٹیم 28 جنوری کو اسلام آباد پہنچے گی۔
بھارت کی ٹینس ٹیم کو نئی دہلی میں پاکستانی ہائی کمیشن نے ڈیوس کپ کے لیے ویزے جاری کر دیے ہیں جس کے بعد ٹیم اتوار 28 جنوری کو دہلی سے اسلام آباد پہنچے گی۔
بھارتی ٹینس ٹیم بذریعہ ہوائی جہاز اسلام آباد پہنچے گی، جس میں 7 کھلاڑی اور 5 آفیشلز شامل ہوں گے جبکہ ڈیوس کپ کی کوریج کے لیے چند بھارتی صحافیوں کو بھی ویزے جاری کیے گئے ہیں۔
واضح رہے کہ روایتی حریف پاکستان اور بھارت، ڈیوس کپ گروپ ون ٹائی میں 3 اور 4 فروری کو اسلام آباد میں مقابل ہوں گے۔