الیکٹرک گاڑیاں کامیاب نہیں ہو سکیں گی، معروف کمپنی کا دعویٰ

جاپان کی ایک معروف کار ساز کمپنی نے دعویٰ کیا ہے کہ الیکٹرک گاڑیاں دنیا میں کامیاب نہیں ہو سکیں گی۔

غیر ملکی میڈیا کے مطابق جاپان کی ایک معروف کار ساز کمپنی کے چیئرمین اکیو ٹویوڈا نے کمپنی کی ویب سائٹ پر شائع ہونے والے تبصروں میں کہا ہے کہ الیکٹرک گاڑیاں کبھی بھی دنیا کی مارکیٹ پر حاوی نہیں ہو سکیں گی۔

ان کا کہنا ہے کہ بیٹری سے چلنے والی گاڑیاں عالمی مارکیٹ میں فروخت کے صرف 30 فیصد تک پہنچ پائیں گی جبکہ باقی میں ہائبرڈ، ہائیڈروجن فیول سیل، اور ایندھن جلانے والی کاریں شامل ہوں گی۔

کمپنی کا یہ بھی کہنا ہے کہ الیکٹرک گاڑیوں کو ایسے وقت میں دیگر ٹیکنالوجیز کو چھوڑ کر تیار نہیں کیا جانا چاہیے جب دنیا بھر میں ایک ارب لوگ آج بھی بجلی کے بغیر زندگی گزار رہے ہیں۔

اکیو ٹویوڈا نے کہا کہ بیٹری سے چلنے والی الیکٹرک گاڑیاں مہنگی ہیں اور انہیں چارجنگ انفراسٹرکچر کی ضرورت ہے۔ اس لیے صارفین کو انہیں خریدنے پر مجبور نہیں کیا جانا چاہیے۔