اسلام آباد : یورپی یونین نے پاکستان کے لئے مزید 100 ملین یورو گرانٹ کی سپورٹ کا اعلان کردیا، گرانٹ معاہدوں کا مقصد سیلاب کے بعد پاکستان کی لچک کو مضبوط کرنا ہے۔
تفصیلات کے مطابق یورپی یونین نے پاکستان کو مزید 100 ملین یورو گرانٹ کی سپورٹ کا اعلان کردیا، وزارت اقتصادی امور کی جانب سے اعلامیے میں کہا گیا ہے کہ یورپی یونین سفیر اور وزارت اقتصادی امور کے سیکرٹری کے 5 گرانٹ معاہدوں پر دستخط ہوگئے ہیں۔
وزارت اقتصادی امور کا کہنا تھا کہ گرانٹ معاہدوں کا مقصد سیلاب کے بعد پاکستان کی لچک کو مضبوط کرنا ہے ، یورپی یونین کی مددسے پاکستان کیلئے 2022 کےسیلاب کیلئے مجموعی ردعمل 930 ملین یورو سے زیادہ ہوگا۔
سفیریورپی یونین رینا کیونکا نے کہا کہ پاکستان اقتصادی بحران اور سیلاب سے بحالی کے مشکل مرحلے میں ہے، ہم پاکستان کے ساتھ ہیں اور انسانی حقوق کی احترام کرتے ہیں۔
وزارت اقتصادی امور کے اعلامیے میں کہنا تھا کہ کےپی اور بلوچستان میں معاشی ترقی کیلئے سیلاب کےمتاثرہ علاقوں میں خصوصی توجہ دی، پاکستان میں انسانی حقوق، صنفی مساوات اور سول سوسائٹی کیلئے مزید سرمایہ کاری کی گئی۔
یورپی یونین کا تعاون پاکستان کے مختلف علاقوں میں بڑھایا جائے گا اور یورپی یونین کی مدد سے پاکستان کی صنعتی بہبود اور روزگار کی ترقی میں مدد فراہم کی جائے گی۔