پاکستان کوسٹ گارڈز نے غیر قانونی پناہ گزینوں اور منشیات کی اسمگلنگ کے خلاف بڑا کریک ڈاؤن کر کے غیر قانونی مقیم افراد گرفتار اور منشیات برآمد کر لیں۔
اے آر وائی نیوز کے مطابق پاکستان کوسٹ گارڈز نے غیر قانونی پناہ گزینوں اور منشیات کی اسمگلنگ کے خلاف بڑا کریک ڈاؤن کرتے ہوئے خفیہ اطلاع پر جیونی سے لے کر حب تک مختلف کارروائیوں میں غیر قانونی پناہ گزین گرفتار کر لیے جب کہ اربوں روپے مالیت کی منشیات، تیل اور روزمرہ استعمال کی اشیا بھی برآمد کر لی گئیں۔
چیکنگ کے دوران 6 غیر مقامی افراد گرفتار کیے اور ان کے قبضے سے ایک کلو گرام آئس اور 8568 کلو گرام سپاری برآمد کی۔
اس کے علاوہ ملزمان سے 95 کارٹن سگریٹ، 2151 کلو گرام کپڑا، 1150 کلو گرام کیمیکل اور 2151 کاٹن برآمد کی گئیں جب کہ سینکڑوں ٹن دیگر اشیا کے ساتھ 19380 لیٹر پٹرول، 62790 لیٹر ڈیزل بھی ضبط کیا گیا۔
پاکستان کوسٹ گارڈز نے کارروائی کے بعد 53 اسپیڈ بوٹس، 3900 لیٹر ڈیزل، 5660 لیٹر پٹرول اور دیگر سامان مالکان کے حوالے کیا۔
دوسری جانب پاکستان کوسٹ گارڈ کی جانب سے پوروں، ناکہ اور جیونی کے مقام پر فری میڈیکل کیمپ میں 280 افراد کا معائنہ کیا گیا اور ضرورت مندوں میں ادویات تقسیم کی گئی۔ اس کے علاوہ پاکستان کوسٹ گارڈز نے سیلاب میں پھنسے ہوئے لوگوں کی بھی مدد کی۔