بھارت میں نوجوانوں نے پالتو کتے پر مُکے برسادیے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق ریاست مہاراشٹر کے ضلع تھانے میں پالتو جانوروں کے کلینک میں دو نوجوانوں نے کتے کو مارا، پولیس نے دونوں افراد کو گرفتار کرکے واقعے کا مقدمہ درج کرلیا۔
ویڈیو میں دیکھا جاسکتا ہے کہ دو نوجوان جنہیں مبینہ طور پر کلینک کا عملہ بتایا جارہا ہے پالتو کتے کو مُکے مار رہے ہیں پھر پالتو جانور نیچے اتر کر بھاگ جاتا ہے۔
A shocking video has gone viral on social media platforms showing a man thrashing a pet dog mercilessly in #Thane district of #Maharashtra. The incident reportedly took place at a pet clinic on #GBRoad in the city. Two people have been arrested in connection with the case.
In… pic.twitter.com/nRmDsmQkCI
— Hate Detector (@HateDetectors) February 14, 2024
ویڈیو میں ایک نوجوان کو کتے کو اس کے چہرے اور پیٹھ پر مُکے برساتے دیکھا جاسکتا ہے جبکہ جانور درد سے کراہ رہا ہے۔
اس سارے منظر کی ویڈیو بنا کر ایک شخص نے سوشل میڈیا پر شیئر کردی۔
پولیس نے کتے کو مارنے والے دونوں نوجوانوں کو گرفتار کرکے واقعے کا مقدمہ درج کرلیا ہے جبکہ جانوروں کی حقوق کی تنظیم پی اے ڈبلیو ایس کے عہدیدار نے بھی پولیس سے رجوع کیا ہے۔
سوشل میڈیا صارفین کی جانب سے واقعے پر غم و غصے کی لہر دوڑ گئی اور صارفین کا کہنا ہے کہ ان کے ساتھ بھی اسی طرح کا سلوک کیا جانا چاہیے۔