ملتان سلطانز کی کامیابی، لاہور قلندرز کو مسلسل تیسری شکست

ملتان: پی ایس ایل 9 کے ساتویں میچ میں ملتان سلطانز نے لاہور قلندرز کو 5 وکٹوں سے شکست دے دی، قلندرز کو مسلسل تیسری شکست کا سامنا کرنا پڑا۔

ملتان میں کھیلے گئے میچ میں ملتان سلطانز نے لاہور قلندرز کی جانب سے دیا گیا 167 کا ہدف 5 وکٹوں کے نقصان پر ایک اوور قبل حاصل کرلیا۔

افتخار احمد نے 11 گیندوں پر 34 رنز کی طوفانی اننگز کھیلی، کپتان محمد رضوان 82 رنز بنا کر ٹاپ اسکورر رہے۔

ڈیوڈ ولے نے 25 رنز بنا کر آؤٹ ہوئے، ڈیوڈ ملان بغیر کوئی رن بنائے پویلین لوٹ گئے، ریزا ہینڈرکس 9 رنز بناسکے، یاسر خان 8 رنز بنا کر آؤٹ ہوئے۔

لاہور قلندرز کی جانب سے شاہین آفریدی اور زمان خان نے دو، دو وکٹیں حاصل کیں۔

اس سے قبل لاہور قلندرز نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 166 رنز بنائے اور سلطانز کو جیت کے لیے 167 رنز کا ہدف دیا تھا۔

ملتان سلطانز نے میچ میں آسان کیچز ڈراپ کیے، کپتان محمد رضوان نے اسٹمپڈ کا موقع بھی ضائع کردیا۔

وین ڈر ڈوسن نے 54 رنز کی ذمہ دارانہ اننگ کھیلی، اوپنر فخر زمان 41 رنز بنا کر عباس آفریدی کا نشانہ بنے۔

صاحبزادہ فرحان 2 رنز بنا کر پویلین لوٹ گئے، سکندر رضا 23 رنز بنا کر چلتے بنے، جہانداد خان کو 16 رنز پر ڈیوڈ ولے نے رن آؤٹ کیا۔

عبداللہ شفیق 6 اور کارلوس بریتھ ویٹ 15 رنز کے ساتھ ناٹ آؤٹ رہے۔

ملتان سلطانز کی جانب سے محمد علی نے دو وکٹیں حاصل کیں، عباس آفریدی اور اسامہ میر ایک، ایک وکٹ حاصل کرسکے۔

قبل ازیں لاہور قلندرز کے کپتان شاہین آفریدی نے ٹاس جیت کر محمد رضوان الیون کو پہلے بیٹنگ کی دعوت دی تھی۔

شاہین آفریدی کا کہنا تھا کہ ٹیم میں سلمان فیاض کی جگہ جارج کو شامل کیا گیا ہے۔

سلطانز کے کپتان محمد رضوان کا کہنا تھا کہ ٹاس جیتیں یا ہاریں فرق نہیں نہیں پڑتا، اچھی کرکٹ کھیلیں گے تو جیتیں گے۔

واضح رہے کہ قلندرز کو ابتدائی دونوں میچز میں شکست کا سامنا کرنا پڑا تھا جبکہ سلطانز نے مسلسل دو کامیابیوں کے ساتھ ایونٹ کا شاندار آغاز کیا۔

پلیئنگ الیون

More posts